面書帖文
cheng.lap.9/posts/10158203104107357
2020年5月12日
其實大家講攬炒咁耐，又想重新定義攬炒，講到好似玄學咁。
我眼中攬炒就無咁複雜，攬炒就係香港政府個財政走下坡，未來幾年之內，用黎做酬庸既水份大幅減少甚至跌到要 cut 常態開支。
利窮則散，維持共產黨同建制派同香港政府同紀律部隊同大財團既「團結」，你以為係乜？愛國？洗腦？當然唔係，係香港政府既派錢能力，當呢舊錢縮水，開始有人分到既餅要嘔返出去時，選邊一個出黎嘔餅，個內鬨先會開始。
成日講點解人地咁團結，分贓均咪團結，分贓不均咪唔團結，呢個咁基本既野竟然無人知。
無，同果d大企業炒魷，開始要搵邊個人邊個部門祭旗一樣之嘛，大家一去到呢d位就會醒目即刻明爭暗鬥，咩奇怪事都會爆出黎。我係學校就見最多啦，就快殺校果d。
咁攬炒財政，都不外乎開源節流既相反，開源既相反就係減少收入，直接就係打擊資產價格，令香港政府賣地收入減少，印花稅減少，利得稅減少。
而節流既相反就係增加開支，例如製造多d好似海洋公園呀，垃圾口罩呀，加班狗之類既乞丐去問香港政府乞錢，乞完又射落海。
你點野蠻都好，呢個世界有一樣野，你野蠻都無用，叫做錢，你收入少左支出大左，你有槍有砲都無用，雖然無辦法立即見效，但過一段時間（可能幾年啦），你總要為依家既大花筒找數。成班狗之所以咁團結係因為佢地預你會找數，你找唔到，乜春團結都會煙消雲散。
日日都叫人團結團結，團結靠乜都未知，無錢就點都團結唔到唔到架啦，唔使交租唔使食飯呀。
國民黨當年 800 萬大軍打完抗日戰爭大軍，有美國製造既槍砲，有日本收繳殘留既武器，有光環，點解幾年後會輸晒？無他：出唔到咁多糧比人，唯有譴散，d比人炒魷既軍隊就反轉豬肚。唔係你以為希特拉點解要搞猶太人？真係感情需要？因為佢為左搞政治爭落猶太銀行家好多錢呀。點解斯大林要搶銀行？又係因為錢，政治就係錢，唔講錢唔通同你講心？
你想睇建制分裂，乜春咩藍乜春分化都多鬼餘，大人就好現實既，我日日有糧出你求其講兩句網上言論就分化我？咪玩啦。無糧出唔使你分化，我第一件事就係踢左隔離個同我爭同一份糧既人走啦。
你咩軍閥獨裁者都敵唔過錢囉。
【帖內討論】
Cheng Lap 同埋，對人仔最無信心果個唔係我，係中國政府，去到 2020 都唔敢玩自由兌換
Jacky Chan 我印銀紙
Cheng Lap Jacky Chan 脫聯匯之後隨佢印
Jacky Chan 印人仔呀⋯ 🙄
Cheng Lap Jacky Chan 你印人仔一樣係抽乾香港姐，人仔既價值咪又係靠香港銀行系統既借貸 backup
Jacky Chan 13億人有信心就係錢嚟架啦，你識唔識架
Cheng Lap Jacky Chan 13 億人都種唔出泰國米、中東石油、同埋 google play，一係你叫佢地放棄美金改收任你印既收人仔
Jacky Chan 我純粹覺得「利窮則散」喺呢個位唔成立啫，果班友明明係要賺人仔唔係美金
Cheng Lap Jacky Chan 好難唔成立架喎，連北京都貪緊香港舊錢搞人工島。北京最清醒啦，唔係使鬼香港找數咩，印 1 萬億送比香港，再印多 1 萬億係香港派街坊統戰全香港，再印多 1 萬億免稅三年收買人心。咁印就得嘛，印夠 10 萬億咪乜都解決。
Cheng Lap Jacky Chan 我覺得唔知點解大家會拎印銀紙、加稅、發債當成解，現實就係錢唔會無中生有，三個解都只係搶劫唔同人。香港同中國既玩法，係中國印，香港擔保，攬炒咪就係整瓜個擔保人既信用之嘛。
Edison Chan 所以應該支持海洋公園擴建
Jacky Lam 政府可以印錢同加稅，繼續打劫全香港的人喎
Cheng Lap Jacky Lam 聯匯就係限你印，如果無交易，失業，加稅都救唔到
Jacky Lam Cheng Lap 因為香港唔夠慘，遠遠未到無交易同大量失業，重有大把空間可以加稅。
即係焦土失敗左🙃
Cheng Lap Jacky Lam 咁我講緊「攬炒」本質係乜，唔評論佢成功未，如果我財到佢成功，我去做空港元發大財唔好
Jacky Lam Cheng Lap 你岩。同埋今次都會睇到港共同中共會面對攬炒。如果炒係不可避免，呢一種行為雖然係一個好失敗的投資，但也可以看成一種從沉船中營私的手段。
Cheng Lap Jacky Lam 我就無醒到睇到幾時爆，睇到我就 all-in 架啦。
Jacky Lam Cheng Lap 我都係預計下攬炒的過程，其中一個質變係由可利用的母雞變成一隻沉船。港共會由用錢統戰各方勢力變成如何在短時間內獲取利益，各方勢力的爭戰會更激烈。
Patrick Wong 明國都係因為咁
財政問題裁減驛卒（官方速遞員）
結果就俾個驛卒李自成搞掂
Nic Kwan 如果真係攬炒，其實全部香港人都會suffer... 唔知大家講之餘有冇心理準備呢?
不過有時又諗，攬炒完，肚滿腸肥既建制都揾夠喇，有乜事咪走囉，真係可以做到if we burn, you burn with me?
Keyboard Ng 香港乾左對中共依賴更大，議價能力更低，外援更少
Nic Kwan Keyboard Ng 但庫房有冇錢，港共政府都係要香港依賴中共架喇。如果真係無錢咁去依賴，可能感覺仲好。明明係有錢仔都要你去做乞衣奶人鞋底，咁好有議價能力?
Keyboard Ng 對方目的一直好簡單而粗暴，
冬蟲夏草四方八面食乾淨香港。
用盡方法糟質人民，然後再對人民好返少少，大家好受落。
真正攬炒係外資逃跑，城市進入切底瘋狂混亂，主要商貿通道和設備被破壞，信用急速地破産。
Keyboard Ng Nic Kwan 真正解法我答左，
只有切底並完全既焦土對中共“些微”有殺傷力，仲要趁國際時勢它有暗湧虚弱時。
主因係香港佔中國份額太不足，除非全國幾處主要城市同時反抗。甘至真正深刻傷害到中國。
其他方案只會幫中共繼續賺空間資源手牌，亦不會有你想要的攬炒發生。
因為整個城市既組成零件，從上至下，大部份華人未到“最後一刻”“切底仆街”仲會抱實自己命運同利益。
所謂既内鬥同反抗，100%會係玩泥沙。
只有香港一下子一次過咩都無晒，完全崩潰，至會殺傷到中共利益。
否則中共都係食硬香港，因為華人真係好好蝦同自私。
Yan Or 所以提出攬炒果條仆街，佢唔係攬炒緊政府，而係攬炒緊市民。
舊年六月到宜家，成年都嚟緊啦，成個香港仲拾吓拾吓，哂哂啲時間喺啲細節細埃嘢度；見樹不見林。
真係想扼爆中共個春袋，由此至終嘅最簡單方法就係終止聲明、全面焦土。
點解？美國條《香港政策法》都係建基於《中英聯合聲明》之下，早過英國廢條關係法，美國無得分，睬你都傻。
但當英國廢咗條《中英聯合聲明》，香港唔再喺中國領土，咁列強已經即刻有埋由可以出手干預喇，美國即時跟風廢埋條《香港政策法》， 反攬炒返中、港共轉頭，中共無咗香港呢個春袋，兌唔L到美金，中共連中國唔即時仆直就先至出奇；真焦土啊。
係要備戰，就準備美國11月大選後，預備真焦土罷啦。
要英美出手又幾難？一個字「利」，俾錢佢哋賺，俾佢哋有利可圖，就乜政治都可行，講咁耐都唔醒水；帶起講攬炒班人根本得個講字，佢哋根本不學無術，偏偏個個當連登攬炒巴神咁拜。
好拜唔拜，學人拜假神假偶像；無眼睇……
Trump已經講到明，你想要民主，揸爆中共個春袋？咁你就更加應該想方設法取得你嘅主權。
有主權就有say，無主權就俾中港共質你吔K(米田共)。
俾錢搵人代勞都搵個真係幫到手嘅啦，唔該；一件攬炒巴眾智底就已經可以輕易呃到香港人3000萬啊，該煨。
補充：個個咁憎啲黑狗狗就更加應該快啲問責英國終止聲明，令美國可以終止埋《香港政策法》。
終止《香港政策法》，港幣變廢紙，睇吓啲黑狗狗仲會唔會效忠中港共？即時撕片互咬六國大封都似……
點終止聲明？只能靠香港人集體向英國問責，叫佢就中國嚴重違反《中英聯合聲明》呢堆事件而合法(國際法)終止聲明。
至於方法？乜都得，任得你，諗得到嘅、行得到嘅、push得郁英國就very good。
國際文宣嘅終極玩法，唔係文宣，而係假借各國之手向英國施壓以加速終止聲明。
一係唔好玩，一係玩盡佢；橫掂最近中共好似想玩核彈，就送佢一程嘛，唔駛客氣。
Cyrus Wong Yan Or 一早知啦，好多人都想美國取消香港政策法，取消獨立稅區，但點先做到？民主法案過左都未用，簽嗰下仲要美國商會向trump拖壓。事實上美國都想賺到盡，唔會想取消政策法一拍兩散。
宜家英國嗰邊年年個報告都話一國兩制運作良好。不過如果美國大選China Joe贏左，大家夢都唔洗發。
Yan Or Cyrus Wong 淨係終止《香港關係法》咁蝕水嘅事，俾著我喺美國，我到唔會做。
好多人都將焦點集中喺《香港政策法》上，所以攬炒巴嘅維穩策略先會咁成功；市民願意支持佢攬炒，憑我一人之力，無可能阻止得到。
至於話攬炒同眾志有關，唔係我講，係香港獨立黨講。
https://m.facebook.com/story.php?story_fbid=1293358510868395&id=228770343993889
⇡ 老實講，信不信由你。有咩問題，去問佢哋，佢哋一定熟過我；我只係無聊八卦周圍搵花生剝。
美國想賺到盡，好簡單，終止《中英聯合聲明》，咁佢同英國嚟個幕後操縱香港都仲得，只不過喺將《香港政策法》入面講基於《中英聯合聲明》嘅字眼改咗去，已經係一條全新嘅《香港政策法》。
問題喺《中英聯合聲明》，呢條條約先係卡住列強出手嘅關鍵。
已經講到口臭：《中英聯合聲明》喺世上唯一一條賦與中國治理香港嘅主權嘅條約。
聲明一日唔終止，香港一日都係中國領土，列強對香港有任何嘅動作都係干涉緊香港嘅主權。
點解英美可以出聲？因為佢哋簽咗《中英聯合聲明》同《香港政策法》，尤其英國，英國有義務要監察《中英聯合聲明》嘅運作情況。
香港人唔去問責英國，咁英國咪繼續喺個每半年嘅報告度寫「一國兩制運作良好」，請問有幾難明？
唔好問我可以點做，我同所有香港人一樣，都係第一次經歷呢種咁複雜嘅問題；而且呢種情況無歷史案例可循，我講完都係講返呢句：信不信由你。
我讀得書少，更複雜嘅問題，我唔識答，無能力去解答。
我答完你，你都係唔信的話，何必問我？
好老實嘅，就算你講嘅最壞打算出現，Sleepy Joe勝出，大不了都係一國一制；反正宜家已經係，只係香港人唔願意面對呢個殘酷嘅現實：
表面兩制，實際一制。
由一開始我就唔打算離開香港，你嘅假設對我嚟講無任何影響；我呢啲窮人，爛命一條，大不了去見上帝，無咩值得我可惜。
唔好再問我，我讀書唔掂、考試唔掂，你要問就去問你信嘅專家，唔好問你根本唔信嘅我呢啲一介草民。
我唔識答你。
沒有留言:
發佈留言