面書帖文
〔cheng.lap.9/posts/10157712454137357〕
2019年12月17日
【輯按】2019年底，香港人發起「黃色經濟圈」，抵制親共商家，支持本土店舖，減少港人資金落入中共。
係經濟世界本身無分黃絲藍絲, 成龍做動作片就係好睇過我做, 好多傳統食店就係藍絲老細有手藝, 吉野家個牛肉飯就係平過我地開間牛肉飯店, TVB 就係多人睇過我寫文, 你第一件事就係要承認左佢. 你最終既目標係做得好過佢地, 取得佢地既商品同技術, 在此之前你要諗點樣用佢地既商品價值取利.
第二件事就係經濟本身目標係要賺錢. 如果咩經濟圈係要大家免費或者極廉價提供商品或者服務, 咁就唔叫經濟, 咁叫救濟. 經濟圈既目標係令所有參與者互惠唔係做善堂.
第三經濟係要可持續的, 成本架構條數本身要合理, 靠一時既風潮或者短期性既野造就既銷售, 或者用義工或不正常友情價去架構既成本, 條數一開始就係假的. 義工無可能同你做十年八年, 如果係你唔係搞緊經濟係搞緊邪教. 你想優惠自己人, 可以收正價再捐返出去或貸款返比對方, 但你唔可以亂郁個價錢破壞大家對價錢既認知.
經濟圈建立係講緊點樣從大局上變得有利政治.
我舉「拉麵」做例子, 傳統日本人食米飯, 對小麥依賴係少, 但係美國二戰後同日本結盟後, 經濟上就想更結合. 而美國輸出既係小麥, 日本就慢慢改變飲食習慣, 開始盛行拉麵, 因為咁就會由消費米飯變小麥, 而使日美經濟更結合.
咁你話黃色經濟圈, 我當核心係「反對中資強化港資」, 咁樣如果講緊食物既話, 點樣減少對中資依賴呢? 就係宣揚改變大眾既飲食同消費習慣.
咁第一件事係你要睇清楚, 香港對中國輸入輸出既商品, 結構係點, 有咩可以放棄, 有咩可以有代替品. 例如豬肉雞肉, 可唔可以輸入臺灣豬肉同雞肉, 而唔食中國輸入? 如果係咁既話, 係咪應該整個臺灣品牌既午餐肉去代替梅林牌, 然後再說服茶餐廳改用新品牌?
又講食菜, 香港本地既農地其實可以種到蘿蔔, 而且成本唔見得高過大陸, 咁係咪應該推廣多d食本地蘿蔔, 做相關料理, 例如食蘿蔔糕?
有人話黃藍係政見黑白是良知, 加多句, 經濟係務實.
【帖內討論】
Edward Fok 開離岸戶口換美金
MPF買北美基金
買美國股票
買外國日用品
係咪應該要咁做
Iga Yasuhiro 你個產品背後要有某種可以/值得凝聚的價值先得。宜家似綽頭經濟。
Perry Sih 政治會影響經濟，黃定藍會影響我享受貨物或服務的程度，因此我願意付的錢（willingness to pay）也不一樣。
如果成龍有一個反政府的複製人，你會支持哪一個？
另外，「反對中資強化港資」不代表不能用中國的材料。「港資」不能去中國買貨嗎？除非被大陸封殺吧？
現在的五大訴求，並不是搞港獨，所以不是要全部和大陸切割。
食梅林牌在今次抗爭來說，是可接受的，前提是要由港資向生產商入貨，再由黃絲去烹調。除了供應商外，所有供應鏈都是黃絲就行。
當然，如果你認為長遠的目標是要切割，那另當別論。但今次的抗爭不是搞港獨。二百萬人遊行，絕大部分都是贊成香港留在中華人民共和國的。
Purging Hellfire 你去問二百萬人囉，你做咗民調喇咩？做咗統計喇咩？憑嘜嘢代言姐？你係邊位啊呀叔 😂
我同意6月開頭應該係無嘜港獨聲音，但過咗6個月中間發生咗咁多事，訴求一早已經變咗唔止五大。中共想點、港共想點，大家有眼睇。
Purging Hellfire Edward Fok 我冇關於香港人由6月至今北上消費嘅實際數據，唔知個變化係點。但我自己就一路都唔去大陸，唔食閪低撈，唔飲閪茶。我已經偏執到連生活上面嘅日常用品都儘量唔用中國製，我連沐浴露都寧願用同樣係共產嘅越南產。我覺得如果二百萬人都可以一齊偏執，效果就會出嚟。
Wing Wai Chan 商品都有形象，企業亦然，所以美企大多政治捐獻是兩黨都捐，香港企業的確有分黃藍是事實嚟，過去因為中國經濟好，藍店根本不怕人知是藍店，反而因舐共而有實際方便也說不定，現在中國經濟滑坡，才會有可能因政治取態而受累。
正如馬英九第二次當選時，台灣人其實是更支持小英的，無奈那時台企很多在大陸設廠，是含淚投畀馬英九，最後險勝小英，到了上一屆，中國經濟大不如前，影響力也不能再改變投票意向，小英才會當選。
簡單來講，是十年河東 十年河西，黃絲經濟圈可有效一時，但若中國經濟回穩，現在的黃店可能又會變色。所以重點應放在以民間制裁配合國際制裁上面，盡量提供準確的，有可能被各國人權法制裁的人的商業關連提供資訊，幫助海內外人士管理投資風險。另外，香港需要多幾個黃之鋒強化版，做林鄭鼓勵香港人做的事，唱衰香港的衰人。
Edmond CC 本身早幾年撐小店(抗大集團)，撐本土(抗中資外資)運動，都係逆反既有市場運作，從消費者角度係幾唔務實，所以持續唔到落去; 今次黃絲經濟圈運動將撐小店同撐本土再破開為二，藍小店、藍本土被排除出去，反而有空間俾黄大集團同黃外資進入，令成件事比單純撐小店或純本土務實咗。
挾住強大民憤、加上少少文化民族主義苗頭，黃絲經濟勢頭强勁，只要堅持落去，越來越多優質港資外資大小集團"歸順", 件事係會越發務實。
按人口結構簡單二分，藍絲一係低教育程度廢老一係靠炒樓收租致富嘅仆街，佢哋啲死水係撐唔起消費市場，而黃絲較係年青有學識有品味，係消費市場活水，利之所在，務實商人幾藍都要扮黃，或起碼扮中立。
Moon Knight 毋須咁複雜，黃色經濟本質就係集中消費者力量以本傷人，係戰爭行為既一種，好唔好食唔係重點。集中力量搞死一間就係勝利，捧起一間又係勝利，步伐大細之分而已
沒有留言:
發佈留言