(35) 普教中對香港學童之禍害

 Chan Kin Yee面書帖子
2016年1月27日

普教中有幾恐怖? 我用我嘅補習經驗答你：一個小六學生作文奇差, 佢阿媽要我密集式同佢補。我叫佢將我講嘅嘢用書面語寫番出嚟, 例如："佢哋聽日要好早番工, 所以今晚十點未到就要瞓覺。"(他們明天很早就要上班去, 所以今天晚上還未到十時就要睡覺了。) 好簡單啫, 係咪? 佢竟然唔識寫。

我話咁你照番粵語咁寫出嚟啦, 跟住我再教你轉做書面語, 但佢都係唔識寫。最後我用支那話講一次, 佢終於識寫。我問佢平時作文時, 個腦用粵語定支那語諗嘢? 佢話用粵語。大家明問題癥結喺邊啦?

(1) 佢唔係聰明到能夠直接用支那話諗嘢然後 "我手寫我心" 。
(2) 佢好自然咁用母語粵語諗嘢, 但佢又唔能夠將個腦諗嘅嘢同文字連結起嚟, 因為佢根本冇學過d字嘅粵語讀音。佢識諗, 識講, 但唔識寫, 即係一個變相文盲。
(3) 相反地, 如果整一篇文俾佢睇, 佢只係識得用支那話讀出來, 但叫佢用粵語講一次, 佢就唔識。問佢其實知唔知篇嘢噏緊乜, 可唔可以講吓佢自己嘅意見, 係贊成反對定中立, 順便詳細講吓原因, 佢唔識講。我話, 你唔識用粵語講, 不如你用支那話講啦, 你明明識得用支那話照讀篇文㗎? 佢更加唔識。
 (4) 但如果唔牽涉任何漢字, 純粹同佢用粵語討論, 佢又完全冇問題。呢個學生智商正常, 不過就唔係特別聰明。

Chan Kin Yee 留言補充（2016年1月27日9:40）：
無論佢睇幾多書, 都係解決唔到(2)同(3)嘅問題。如果佢終於能夠做到(1), 佢作文就會好d, 但就仍然做唔到(2)同(3), 不過喺偏重支那話嘅考試制度下, 佢會過到骨。